En la Roterdama Universala Kongreso ni aĉetis bulbojn de tulipoj kun la nomo ‘Esperanto’. Plantitaj aŭtune, nun ili bone kreskas kaj bele floras. Laŭ priskriboj troveblaj en interreto, ĉi tiu raso floras malfrue, kaj ankaŭ ĉe ni ĝi estas la laste ekfloranta kulturvario de tulipoj. La burĝonoj malfermiĝis fine de majo. En pli sudaj landoj tio certe okazas pli frue.
Verdstela tulipo (Tulipa, grupo ‘Viridiflora’, kulturvario ‘Esperanto’).
La raso ‘Esperanto’ apartenas al la tulipa grupo ‘Viridiflora’, kiun karakterizas strioj de verda koloro en la korolo. En la floro de ‘Esperanto’ ni vidas preskaŭ verdan stelon, kiam ni rigardas ĝin plene malfermitan, de supre.
Gratulon al la UK pro la ideo vendi la bulbojn okaze de la kongreso. Bela kaj tipa vojaĝmemoraĵo el la kongreslando. Mi esperas, ke la bulboj reĝojigos nin en multaj jaroj.
--------------------------------
[Ĉi tio estas kopio el mia blogo en Ipernity. La sekvaj komentoj siatempe aperis sub la originalo.]
Komentoj
- picasso franz tolle Blüten, sehr schön
- Normand Fleury
Mi havas ilin en mia ĝardeno en Montrealo de kelkaj jaroj.
- Harri Laine
La niaj estis plantitaj en la antaŭa aŭtuno, kaj nun ni vidis unuafoje la florojn. Mi esperas, ke ili bone prosperos plurajn printempojn. Tulipoj ofte estas problemaj. Ili iel malfortiĝas jaron post jaro. Sed almenaŭ la unua florado ĉe ni estis tute bela.
Ei kommentteja:
Lähetä kommentti