Reveninta de Afriko!

Fiŝaglo hejmenflugis de Afriko! 

Hodiaŭ, la 5-an de aprilo, alvenis la unua fiŝaglo de sia vintrejo en Afriko.


Hodiaŭ oni vidis la unuan fiŝaglon ĉe la nesto. En la sama tago estis pluraj raportoj kaj pri maragloj kaj pri (unu sola) fiŝaglo. La agloamikoj intense observos, kio okazos dum la sekvaj semajnoj.

Ĝis nun oni ne vidis ringon ĉe piedo de iu el la agloj. Precipe multaj maragloj portas ringon, ĉar oni tre atente observas ilian nestadon kaj ringumas idojn jam en nesto. Antaŭ kelkaj jardekoj la maragloj preskaŭ formortis en Finnlando, sed nun ilia nombro iom post iom kreskas.

--------------------------------

[Ĉi tio estas kopio el mia blogo en Ipernity. La sekvaj komentoj siatempe aperis sub la originalo.]


Komentoj 

• Tjeri Ĉu ĝi forpelis la maraglojn?

• Harri Laine respondis al Tjeri Ĝis nun ne. Oni vidis hodiaŭ plurfoje kaj maraglojn kaj la (verŝajne unu saman) fiŝaglon en la nesto, sed oni ne vidis ian ajn renkontiĝon aŭ batalon de la du specoj. Povas esti, ke la fiŝaglo ankoraŭ atendas aŭ serĉas partneron, kaj nur poste klopodos defendi la neston. Oni ne scias. Io ajn povos okazi.